السبت، 19 مارس 2011

الي كل مصري بيحب بلده

للاسف يستغل الاخوان والبقيه الباقيه من فلول الحزب الوطني جهل الكثيرين بما يحدث حولنا من مؤامرات لصالحهم هم ومن تبقي من النظام البائد عن طريق التصريح بان كلمه نعم للتعديلات الدستوريه هي الخلاص من كل ما نعانيه من انفلات امني وانتشار البلطجيه في الشوارع وكان نعم فيها الخلاص وانها واجب قومي علي كل مصري كيف هذا ونعم للتعديلات معناها اننا نقر بدستور سقط من الاساس كيف نعدل في دستور الثوره انهت شرعيته ولا نعمل به الان باي عقل نقبل بهذا لو وافقنا الان علي هذه التعديلات سيحدث الاتي اولا انتخابات مجلسي الشعب والشوري سوف يفوز بها حزب الاخوان لتنظيمهم الجيد وفلول الوطني المستقلين بفلوسهم ونبقي وكانك ياابو زيد ما غزيت ودم الشهدا راح والبهدله في المظاهرات ولا ليها قيمه وعينين الشباب اللي راحت ملهاش تمن محدش فكر احنا ليه مازلنا بنعاني من الانفلات الامني علي الرغم من نزول الشرطه الشوارع الاجابه وبمنتهي البساطه عشان هما عاوزينا نعيش مرعوبين ونوافق علي التعديلات ونخلص وكان البرلمان والرئيس في ايديهم خلاصنا من كل مشاكلنا طب ازاي واحنا دوله مؤسسات يعني كل مؤسسه اي وزاره قائمه بذاتها بتقوم بشغلها علي اكمل وجه فين بقي سي اكمل ده عشان نحاسبه علي تقصيره التقصير ده في اداء الشرطه بايد مين وازاي الجيش ساكتلهم علي كده دي حاجه بجد مش قادره افهمها يعني دلوقتي لو وافقنا علي التعديلات وتمت الانتخابات البرلمانيه مين هيبقي في المجلس الموقر غير الاخوان والمستقلين من الوطني ونفس الوجوه القديمه كلها اللي اساسا معملولناش حاجه طيبه نفتكرهم بيها طب والنبي لما دول اللي هيبقو في المجلس هنبقي عملنا ايه وغيرنا ايه والثوره والشهدا والمصابين يبقو كسبو ايه ساعتها غيرهي هي نفس الاوضاع بس بريس جديد ياتري وقتها هنقدر نهلل بالديمقراطيه ونقول الثوره نجحت طب فين الاحزاب الجديده بالله عليكم هيلحقو يعملو الحزب ويعلنو عنه والناس تعرفهم في شهرين تلاته الاستعجال ده لمصلحه مين وبايدين مين ارجو من كل مصري بيحب بلده ان يتعقل ويتروي ويفكر في كل الاحداث ويربطها ببعض هيلاقي انه لا والف لا للترقيعات الدستوريه لان دستور 71 لا يغطي ولا يستر ومهما رقعنا فيه مش هيجيب نتيجه لازم نرميه ونستبدله بدستور يعبر عننا ويحمي مصالح المواطن قبل الرئيس وعياله .

ليست هناك تعليقات:

إرسال تعليق